தமிழகத்தில் இஸ்லாம்

தமிழகத்தில் இஸ்லாம்லாம் என்றே அறபி வார்த்தையே அது வேற்று மண்ணில் தோன்றிய மதம் தானே எனும் எண்ணத்தை நம்மில் ஏற்படுத்தலாம். நியாயம்தான் மறுப்பதற்கில்லை. ஆனால், உண்மையில் இஸ்லாம் மட்டும் தான் வெளியிலிருந்து இங்கு வந்ததா? நாம் இன்று உண்ணும் உணவு, உடுத்தும் உடை, நாம் பயன்படுத்தும் தகவல் தொழில் நுட்பக் கருவிகள், நாம் பயணிக்கும் வாகனங்கள் என எல்லாவற்றிலும் ஓர் அந்நியத்தன்மை இருக்கத்தானே செய்கிறது. எனவே, ஒரு விஷயம் பயனுள்ளதா அல்லது பயனற்றதா எனும் பார்வையே மனித வாழ்வை மேம்படுத்தவும் செழுமைபடுத்தவும் உதவும். மனித குல வரலாறே கொடுக்கல்-பெறுவதிலேயே செழிப்புற்றது. இல்லையெனில் நாகரிக வரலற்றில் நாம் தனித்து விடப்படுவோம். நம் நாட்டிலும், உலகிலும் பெரும் மக்கள் தொகையால் பின்பற்றப்படும் இஸ்லாம் எனும் மதத்தையும் அவ்வாறே கொஞ்சம் பரந்த பார்வையோடு அணுக வேண்டியுள்ளது. ஆதாரபூர்வமான ஆவணங்களின் அடிப்படையில் தமிழகத்தில் இஸ்லாத்தின் வயது சுமார் 1100 ஆண்டுகள். ஆம், இன்னும் சில குறிப்புகளின்படி முஹம்மது நபியின் காலத்திலேயே இஸ்லாம் பிரிவுபடாத தமிழக-கேரள மண்ணைத் தொட்டுவிட்டது. அதை பல்வேறு வராலற்றுச் சான்றுகள் உறுதிபடுத்துகின்றன. இஸ்லாம் தமிழகத்தைப் பொறுத்தவரை கடலோடிகளின் மார்க்கம். அறபுக் கடலோடிகளால் இந்தியாவின் மேற்கு-கிழக்கு (கேரளா-தமிழ்நாடு) கடற்கரையை இஸ்லாம் வந்தடைந்து. அவ்வாறு இங்குவந்த அறபுகளும், இங்குள்ள சாதி அமைப்பால் பாதிப்படைந்து விடுதலைத் தேடி இஸ்லாத்திற்கு வந்தவர்களும், இஸ்லாத்தை ஆராய்ந்து ஏற்றவர்களும் என மொத்தத்’ தொகையினரே இன்றைய தமிழ் முஸ்லிம் சமூகம். இதில் வெளியில் இருந்துவந்த அறபுகள் சொற்பத் தொகையினரே. இம்மண்ணின் மைந்தர்களே தமிழ் முஸ்லிம்களில் பெரும் தொகையினர். இன்னும் விரிவாக விரிவாக அறிய சத்தியச்சோலையுடன் தொடர்பில் இருங்கள்.