இஸ்லாம்

இஸ்லாம் ஓர் மதமா, ஆன்மிக நெறியா, சித்தாந்தமா எனும் கேள்வி உங்களுக்குள் எழுந்தால் அதற்கான பதில்... இஸ்லாம் ஓர் மதம். ஆம், அதில் மறைவனற்றின் மீதான நம்பிக்கைகளும், இறைவழிபாடுகளும், சடங்குகளும் உள்ளன. அந்த நம்பிக்கைகளும் வழிபாடுகளும் நமது பயணத்தை இவ்வுலக வாழ்வோடு சுருக்கிவிடாமல் மறு உலகம்வரை நீட்டி முடிவில்லா பெருவாழ்வின் உண்மையை உணர்த்தும். இஸ்லாம் ஓர் ஆன்மிக நெறி. அதில் மனதின் உள்ளொளியை தூண்டி அகக் கண்ணை திறக்கும். பார்வையைத் துலக்கமாகும். இறைவனின் படைப்பான பிரபஞ்சத்தோடு நம்மை ஒன்றிணைக்கும். நவீன கால அல்லகளிலிருந்து விடுதலை அளித்து ஆன்மாவை ஆறுதல்படுத்தும். ஆன்மிகப் பரவசம் எனும் அமைதியில் நம்மை ஆழ்த்தும். இறைவனையும் மனிதனையும் ஓர் நேர்கோட்டில் வந்து நிறுத்தும். அப்போது இறைவன் மனிதனின் பார்வையாக, கையாக, காலாக மாறுவான். ஆனால், இந்த ஆன்மிக நெறியின் தனித்தன்மை என்னவென்றால் அப்பொழுதும் இறைவன் இறைவனாகவும் மனிதன் மனிதனாகவுமே நிலைபெறுவோம். இஸ்லாம் ஓர் சித்தாந்தம். அது கொள்கையை மட்டும் பேசும் நடைமுறை அற்ற சித்தாந்தம் அல்ல. வரலாற்றில் பலமுறை தன் தூயவடிவிலும், சிலபோது குறைவடிவிலும் என நடைமுறை யதார்த்தமாக வழிகாட்டி பெரும் நாகரிகங்களையும் மக்கள் தொகுப்பையும் வழி நடத்தியுள்ளது. அதேபோல் அது வாழ்கையை சில துறைகளுக்குள் மட்டும் சுருக்கிப்பார்க்கும் குறைக்கண் சித்தாந்தமும் அல்ல. இறைவன் முழுமையானவன்; அவன் வழங்கிய இஸ்லாமும் முழுமையானது. தனி மனித, குடும்ப, சமூக, கலாச்சார, பொருளாதார, அரசியல் என என்னென்னே வழிகட்டுதல் வேண்டுமோ அதை நம்மால் இதில் பெற்றுக்கொள்ள முடியும்.